ធ្លាប់ដឹងទេ! កាំភ្លើង AK-47មួយដើមតម្លៃប៉ុន្មានក្នុងទីផ្សារងងឹតពិភពលោក?

ប្រវត្តិ និងព័ត៌មានអំពី AK-47

ម៉ូដែលដំបូងរបស់កាំភ្លើង AK-47 ត្រូវបានចែកចាយឲ្យប្រើប្រាស់ដោយទាហានសូវៀតដំបូងបំផុត កាលពីឆ្នាំ ១៩៤៨។ ឌីសាញសម្រាប់តម្លៃថោក តែមានទំនុកចិត្តងាយស្រួលប្រើប្រាស់ ធ្វើឲ្យកាំភ្លើងប្រភេទនេះពេញនិយមប្រើប្រាស់ពេញពិភពលោកអស់ ៧ ទសវត្សមកហើយ។

លោក Michael Hodges បាននិយាយក្នុងសៀវភៅ The Story of The People's Gun ថា មានកាំភ្លើង ម៉ាក Kalashnikov rifles (AK-47) ច្រើនជាង ២០០ លានដើម ប្រើប្រាស់ពេញពិភពលោក។ ក្នុងចំណោម ៣៥ នាក់ មានម្នាក់ប្រើប្រាស់ AK-47។ ដោយមានតម្លៃថោក ជាងគេ អាវុធម៉ាក់នេះមានប្រជាប្រិយភាពយ៉ាងទូលំទូលាយ ពិសេសកងទ័ព, ពួកឧក្រិដ្ឋជន និងពួកសកម្មប្រយុទ្ធ ដោយសារអាចរក្សាទុកបានយូរ និងមានទំនុកចិត្ត។

បច្ចុប្បន្ន មានកាំភ្លើង AK-47 ត្រូវបានផលិត និងបន្ទាន់សម័យកាល ២០០ ប្រភេទ ខុសៗគ្នា ហើយយ៉ាងហោចណាស់ មាន ៣០ ប្រទេសកំពុងផលិត ជាមួយចំនួនដ៏ច្រើន ដែលធ្វើឲ្យមានបញ្ហាកើតឡើងពេញពិភពលោក ពិសេសទ្វីបអាហ្វ្រិក។ កាំភ្លើងរាប់លានដើមត្រូវបានបាត់ ពេលបញ្ហាកើតឡើងនៅតំបន់ Yugoslavia។ កាំភ្លើង ម៉ាក Kalashnikovs ត្រូវបានប្រើប្រាស់ក្នុងការវាយប្រហារភេរវកម្មនៅទីក្រុងប៉ារីស នៅសាលមហោស្រព Charlie Hebdo និង Bataclan ដែលកាំភ្លើងទាំងនោះ ក្រុមភេរវជន ទិញពីប្រទេសបែលហ្សិក។

តាមប្រភពរបាយការណ៍ថ្មីមួយពី Global Financial Integrity បានឲ្យដឹងតម្លៃលក់ទិញកាំភ្លើង AK-47 មានភាពខុសគ្នាពីកន្លែងមួយទៅកន្លែងមួយ។ នៅប្រទេសអាហ្វហ្គានីស្ថាន, AK-47 មួយដើមតម្លៃ ៦០០ ដុល្លារ ខណៈព្រំដែន ភាគខាងជើងប្រទេសម៉ិកស៊ិក តម្លៃឡើងដល់ ១២០០ ដុល្លារ។

ក្នុងប្រទេសបែលហ្សិក ដែលជាកន្លែងចរាចរណ៍ទៅកាន់ទីក្រុងប៉ារីស, កាំភ្លើងផលិតនៅទីក្រុង Balkan (Balkan Kalashnikovs) ឡើងដល់ ១១៣៥ ដុល្លារ។ កាំភ្លើងម៉ាកសុទ្ធពីដើមលក់នៅប៉ាគីស្ថាន ប្រហាក់ប្រហែល ១២០០ ដុល្លារ ប៉ុន្តែកាំភ្លើងផលិតក្នុងស្រុក មានតម្លៃលើសបន្តិច ១៤៨ ដុល្លារ។

ចំណែកនៅតាមទីផ្សារងងឹតអនឡាញ AK-47 មានតម្លៃចាប់ពី ២៨០០ ដុល្លារ ដល់ ៣៦០០ ដុល្លារ។ តាមប្រភពរបាយការណ៍ បានបន្តថា កាំភ្លើង AK-47 មានតម្លៃកាន់តែថ្លៃ ពេលរត់ពន្ធកាន់តែឆ្ងាយ, ពិសេស កាំភ្លើងប្រភេទនេះ រត់ពន្ធឆ្លងកាត់ព្រំដែន អាមេរិក-កាណាដា។ ការចរាចរណ៍អាវុធខុសច្បាប់ត្រូវគេប៉ាន់ប្រមាណថា មានទឹកប្រាក់ដល់ទៅ ១៧លាន ដុល្លារ ទៅ ៣៣លាន ដុល្លារ រៀងរាល់ឆ្នាំ។

ដោយសារតែកាំភ្លើងប្រភេទនេះនៅតែមានការផលិតច្រើន និងប្រើប្រាស់ច្រើនបំផុត គឺបានកំណត់ថា វាជាម៉ាស៊ីនសម្លាប់មនុស្សដ៏ច្រើនបំផុត បន្តរហូតដល់រាប់ទសវត្សរ៍ទៅមុខ។

អ្វីៗដែលបានផ្សាយថ្មីៗនេះ