របៀបគេងដើម្បីកុំឱ្យប៉ះពាល់ដល់ទារក ពេលមានផ្ទៃពោះ

ការគេងដើរតួនាទីយ៉ាងសំខាន់ក្នុងអំឡុងពេលមានផ្ទៃពោះ សម្រាប់សុខភាពទាំងទារក និងម្តាយ។ ការគេងរបស់ម្ដាយ អាចជួយក្នុងការរីកលូតលាស់ ឬអាចប៉ះពាល់ដល់ទារកផងដែរ។ ការគេងមិនគ្រប់គ្រាន់ក៏អាចបង្កឱ្យមានជំងឺធ្លាក់ទឹកចិត្ត ឬអាចបង្កើនអ័រម៉ូនស្ត្រេសដល់ទារកដោយសារគេងមិនបានត្រឹមត្រូវ។

ការផ្លាស់ប្ដូរទីតាំង ការធ្វើចលនាដោយការប្រែខ្លួន អាចជាការរំខានដល់ដំណេករបស់ទារក។ ដូច្នេះ អ្នកត្រូវគេងក្នុងទីតាំងសមស្រប ដើម្បីឱ្យទារកទទួលបានភាពសុខស្រួល។ ថ្ងៃនេះ សូមណែនាំនូវទីតាំងដំណេក និងវិធីធ្វើឱ្យមានផាសុខភាពទាំងម្ដាយ និងទារក៖

១. គេងចំហៀងបែរទៅឆ្វេង

ទីតាំងដំណេកល្អបំផុតសម្រាប់ស្ត្រីមានផ្ទៃពោះ ព្រោះវាផ្តល់ផាសុខភាពដល់ម្ដាយ និងទារក។ ជាពិសេសការគេងបែរទៅឆ្វេងជួយឲ្យឈាមរត់ប្រសើរ និងការពារថ្លើម និងតម្រងនោមពីទម្ងន់ពោះ។

២. ជៀសវាងការគេងផ្ងារ

ការគេងផ្ងារបង្កឱ្យសម្ពាធឈាមធ្លាក់ ចូលរួមបង្កឲ្យដួលសន្លប់ និងបន្ថែមសម្ពាធលើស្បូន និងឆ្អឹងខ្នង។ វាអាចបណ្តាលឱ្យឈឺសាច់ដុំ រមួលក្រពើ ឬសម្ពាធឈាមថយចុះ។

៣. ជៀសវាងការគេងអឹបនឹងពោះ

ទីតាំងនេះដាក់បន្ទុកធ្ងន់លើស្បូន និងក្រពះ ប៉ះពាល់ដល់ទាំងម្ដាយ និងទារក ដូច្នេះត្រូវជៀសវាង។

៤. លើកក្បាលគ្រែ

ដាក់ខ្នើយនៅផ្នែកក្បាលគ្រែ ដើម្បីលើកក្បាលឡើង។ វាជួយកាត់បន្ថយការចាល់អាស៊ីតក្នុងក្រពះ និងធ្វើឱ្យមានលំហូរល្អសម្រាប់ម្ដាយ។

៥. គេងលើសាឡុងដែលមានផាសុខភាព

ការគេងលើសាឡុងជួយបន្ថយការក្រហាយទ្រូង និងផ្តល់ផាសុខភាពដោយគ្មានសម្ពាធលើខ្នង និងពោះ។

៦. ប្រើខ្នើយវែង (ខ្នើយឱប)

ប្រើខ្នើយវែងប្រហែល ២ ម៉ែត្រ ដើម្បីទ្រគាំខ្នង និងពោះ។ ដាក់ខ្នើយចន្លោះជង្គង់ ខ្នើយក្រោយខ្នង និងខ្នើយក្រោមពោះ ដើម្បីឲ្យមានផាសុខភាពក្នុងការគេង។

អ្វីៗដែលបានផ្សាយថ្មីៗនេះ