ឧទាហរណ៍ដូចជាស្វាមីភរិយារមែងកើតមានរឿង ជម្លោះវិវាទគ្នាបានរាល់ពេល ។ ដូច្នេះនៅពេលមករួមរស់ជួបជុំគ្នា កាន់តែច្រើននោះមធ្យោបាយ ដែលអាចបញ្ចៀសបាន គឺការស្វែងយល់ចិត្តគ្នាឱ្យបានល្អនោះឯង ។
វិធីដោះស្រាយ
រកគ្រែដែលមានមុំទាលមកដេក កុំប្រើគ្រែដែលមានជ្រុងមុតស្រួច ។ ប្រសិនបើគ្រែធំកោងប្រើពូកធំ និងហាមប្រើពូក២ ឬគ្រែ២មកក្រាលដេក ។ ការប្រើប្រាស់គ្រែមានមុំទាល អាចជួយកម្ចាត់ភាពមិនចុះសម្រុងគ្នារបស់គូស្នេហ៍បាន ថែមទាំងជួយបង្កើតភាពស្អិតល្មួតទ្វេឡើងទៀតផង ។
ក្បួនហុងស៊ុយនៅក្នុងទូដាក់សៀវភៅ
ប្រសិនបើផ្ទះនរណាម្នាក់ជួបនឹងបញ្ហាការសិក្សារៀនសូត្រ ជួបនូវភាពបរាជ័យញឹកញាប់រួមទាំងតំណែងតួនាទី មិនរីកចម្រើនទៅតាមការគួរនោះ បើតាមក្បួនហុងស៊ុយគេ អាចដោះស្រាយបានដោយឱ្យពិនិត្យទៅលើរបស់របរសិក្សា ដូចជាសៀវភៅជាដើម ។
ក្បួនហុងស៊ុយចិនណែនាំឱ្យរៀបចំទុកដាក់របស់របរ ដូចជាសៀវភៅ ជាពិសេសនៅក្នុងបន្ទប់ទទួលភ្ញៀវមុនគេ ។ គួររៀបចំជាទូទុកដាក់ឱ្យមានជារបៀបរៀបរយ ព្រោះតាមធ្នើនីមួយៗ សម្រាប់ទុកដាក់សៀវភៅនោះតាមក្បួនហុងស៊ុយ ប្រៀបទុកដូចជាថត ដែលស្តុកនូវថាមពលល្អផ្នែកការសិក្សា ចំណេះដឹងនិងសតិបញ្ញា ។ ក៏ប៉ុន្តែក្នុងនោះក៏មានចំណុច ណែនាំគួរឱ្យប្រុងប្រយ័ត្នផងដែរ ពីចំនួនថត ឬធ្នើធ្វើបែបណា ត្រូវរៀបចំឱ្យមានចំនួនសេសហាមមានចំនួនគូ ។ ជាពិសេស ហាមបណ្តែតបណ្តោយឱ្យទីនោះមានកកផ្តុំទៅដោយធូលីរុំព័ទ្ធ ឬសម្បុកពីងពាងជាដើម ៕
From Cen
No comments:
Post a Comment