ក្នុងតម្រាហុងស៊ុយប្រសិនបើគូស្វាមីភរិយាណារួមរស់នៅជាមួយគ្នា ហើយចង់បាន ដើម្បីបន្តពូជពង្សវង្សត្រកូល តែមិនបានតាមបំណងប្រាថ្នាអាចបង្កើនសិរីមង្គលដោយព្យួររូបភាពប៉ាក់ ឬបិទរូបគំនូរផ្លែទទឹម នៅតាមជញ្ជាំងនៃ បន្ទប់ទទួលភ្ញៀវ ឬបន្ទប់គេង ។ ធ្វើដូច្នេះជនជាតិចិនសម័យបុរាណមានជំនឿថា អាចជួយឱ្យគូស្វាមីភរិយានោះ មានកូនបានតាមបំណងប្រាថ្នា ។
ដើមឈើ ដើមផ្កា និងថាមពល (យ៉ាង)
ផ្កាព្រមទាំងដើមឈើ ដើមផ្កា នាំមកនូវថាមពល(យ៉ាង) ដ៏ខ្លាំង ។ បើដាក់តាំងនៅក្នុងបន្ទប់គេងរបស់ស្ត្រីវានឹង ជួយទ្រទ្រង់ដល់ជីវិតស្នេហា ។ ប៉ុន្តែបើដាក់តាំងក្នុងបន្ទប់គេងរបស់គូស្វាមីភរិយា វានឹងបង្កផលប៉ះពាល់ដូចជា ធ្វើឱ្យមានទាស់ពាក្យសម្តី និងមានចិត្តមិនស្មោះត្រង់ចំពោះគ្នា ។ ឯចំណែករូបគំនូរ ក៏ដូចជារូបថតនៃផ្កា ឬដើមឈើ ដើមផ្កា ក៏មានផលប៉ះពាល់ដូចគ្នាដែរ ។ ការតាំងលម្អផ្កា ឬដើមឈើ នៅក្នុងបន្ទប់អ្នកជំងឺជួយឱ្យបានទទួលនូវ ថាមពល “យ៉ាង” កាន់តែច្រើនជួយឱ្យអ្នកជំងឺមានអការៈធូរស្បើយ តែក៏មិនត្រូវដាក់តាំងលម្អឱ្យច្រើនហួសហេតុពេកដែរ ។
បន្ទប់ធ្វើការល្អស្អាតមានហុងស៊ុយនាំមកនូវសិរីមង្គល
ក្នុងបន្ទប់ធ្វើការ ត្រូវមានពន្លឺចាំងចូលដល់ឱ្យបានគ្រប់គ្រាន់ តែកុំឱ្យច្រើនពេក ឬតិចពេក ។ ត្រូវរៀបចំឱ្យបានស្អាតបាត គួរឱ្យមានទឹក និងដើមឈើ ដើមផ្កាដែលមានពណ៌បៃតងស្រស់ នៅក្នុងបន្ទប់ធ្វើការនោះផង ។ ម្យ៉ាងទៀតអ្នកអាចប្រើកញ្ចក់ផ្ទាំងធំៗ ចាប់យកនូវរូបភាពដ៏ស្រស់បំព្រងទាំងនេះឱ្យមើលទៅហាក់ដូចផ្ទៃបន្ទប់ធ្វើ ការរបស់អ្នកធំទូលាយ ។ តាមតម្រាហុងស៊ុយ ចំពោះបន្ទប់ធ្វើការដែលមានភាពទូលាយ អមដោយដើមឈើ ដើមផ្កាដ៏ស្រស់ៗនឹងនាំមកនូវសិរីមង្គល ព្រមទាំងថាមពល “ឈី” ដ៏ល្អចូលមកក្នុងបន្ទប់ធ្វើការជួយទ្រទ្រង់ដល់ការ ងាររបស់អ្នកផង ។
តួលេខនៃថាមពលតាមក្បួនហុងស៊ុយ
តាមតម្រាហុងស៊ុយជឿជាក់ទៅលើថាមពលនៃតួលេខខ្លាំងណាស់ ពិសេស គឺលេខផ្ទះ ដែលរាល់លេខមួយតួៗផ្តល់ នូវថាមពលផ្សេងៗគ្នាដូចជា លេខ៤ បញ្ជាក់នូវសេចក្តីស្លាប់ និងភាពវិនាសហិនហោច ។ លេខ៦ បញ្ជាក់នូវភាព បរាជ័យក្នុងជីវិត ។ លេខ៧ ចាត់ទុកជានិមិត្តសញ្ញារួមនៃភាពសម្បូរស្តុកស្តម្ភ ក្នុងខណៈដែលលេខ៨តំណាងនូវភាព ងប់ងល់ដ៏ឈ្លក់វង្វេង ។ រីឯលេខ០ បញ្ជាក់នូវភាពក្តៅក្រហាយនៃទីកន្លែង ។ ចំណែកលេខ៥ ធ្វើឱ្យកើតមាន ជម្លោះទាស់ទែងខ្វែងគំនិតគ្នារកទីបញ្ចប់គ្មាន ។
តាំងរូបភាពឱ្យមានហុងស៊ុយ
រូបភាពផ្សេងៗនៅលើផ្ទាំងប្លាស្ទីកផ្ទាំងក្រណាត់ ឬផ្ទាំងក្រណាត់ សម្រាប់បិទលម្អផ្ទះនៅតាមជញ្ចាំងផ្ទះ ឬរូបភាព
ដ៏ស្រស់ស្អាតនៅលើកម្រាលព្រំ ឬវត្ថុសម្រាប់តែងលម្អគេហដ្ឋាន សុទ្ធតែបង្កប់ន័យនៅក្នុងនោះដូចជា រូបភាពផ្កា អ័រគីដេ នាំមកនូវជ័យជម្នះនិងភាពឋិតថេរ គង់វង្ស ។ រូបស្លឹកឈើនាំមកនូវភាពត្រជាក់ត្រជុំ ។ ឯរូបបេះដូងនាំមក នូវសេចក្តីស្រឡាញ់ ៕
ប្រភពពី Cen