នៅពេលអ្នកសម្រេចចិត្តទិញផ្ទះចាស់មិនថា មានបញ្ហា អ្វីក៏មួយក៏ដោយ ដូចជាម្ចាស់មុនមានប្រវត្តិមិនល្អ ឬផ្ទះនោះសភាពទ្រុឌទ្រោម ចាំបាច់ត្រូវតែកែច្នៃជួសជុល ឱ្យមានសភាព ថ្មីជាមុនសិនសឹមចូលទៅនៅ ។ ក្នុងនោះ ក៏មានបូករួមទាំងការ កែសម្រួលបរិស្ថានជុំវិញឱ្យមានបរិយាកាសខុសពីពេលមុន ផងដែរ ។
ការលាបថ្នាំផ្ទះឱ្យថ្មី : ការរៀបចំតំណែងផ្សេងៗនៅ ក្នុងបន្ទប់ឱ្យមានសភាពប្លែកថ្មីការដាំដើមឈើ ឬ ដើមផ្កាតុបតែងពីមុខផ្ទះឱ្យមានម្លប់ខ្លះព្រមទាំងការ បម្រែបម្រួល វត្ថុខ្លះៗទាំងអស់នេះសុទ្ធតែជួយ ឱ្យផ្ទះចាស់ ក្លាយទៅជាផ្ទះថ្មីគួរឱ្យចង់ រស់នៅថែមទៀត ។
តាមគោលការណ៍ហុងស៊ុយបានចាត់ទុកថាការប្រែវត្ថុផ្សេងៗនៅក្នុងផ្ទះចាស់ឱ្យមានសភាពថ្មីគួរឱ្យចង់ រស់នៅ ។ ក៏ប៉ុន្តែក្នុងករណីចូលទៅនៅតែម្តងដោយមិនបានកែសម្រួលអ្វីឱ្យថ្មីទេនោះ នៅក្នុងអារម្មណ៍របស់លោក អ្នកហាក់ដូចជាពុំទទួលបានថាអ្វីថ្មីមិនមែនជាផ្ទះរបស់ខ្លួនឯង ទាល់តែប្រើពេលវេលាយូរទើបទទួលអារម្មណ៍ថា ផ្ទះនោះជារបស់ខ្លួន ។
នៅមានកត្កាមួយទៀតដែលមិនអាចមើលរំលងបាននិងជាជំនឿមានតាំងពីយូរលង់មក ហើយនោះមុន ពេលឡើងទៅនៅមិនថាជាផ្ទះចាស់ឬផ្ទះថ្មីក៏ដោយ ចាំបាច់ត្រូវតែគន់គូរ ឬក៏រកថ្ងៃសូត្រមន្តសង្ឃទាន ឬធ្វើពិធី ប្រាប់ដល់ម្ចាស់ទឹក ម្ចាស់ដី ដើម្បីសុំ កន្លែង ជ្រកកោនឱ្យមានសេចក្តីសុខចំរើន មិនចូលទៅនៅដោយមិនមានធ្វើពិធី អ្វីនោះទេ ។
ទោះបីថារឿងខាងលើនេះមិនអាចពិសោធន៍បានក្តី តែដើម្បីភាពសប្បាយនៅក្នុងចិត្តរបស់លោកអ្នកគ្មាន ជំនឿអ្វីលើរឿងនេះទេក៏មិនគួរប្រមាថដែរ ។
ដាំដើមឈើទាំង៨ទិសជួយលើករាសីទិស
ខាងជើង : ដាំដើមព្នៅ ទុរ៉េន និងប្រទាលមានមើម ផ្សេងដើម្បីជួយឱ្យរីកចំរើនក្នុងមុខរបររកស៊ី ។
ទិសខាងកើតឆៀងខាងជើង : ដាំទុរ៉េន ផ្កាឈើពណ៌ស្រស់ៗ ពណ៌ស៊ីជម្ពូ ផ្កាម្លិះ ដើម្បីសេចក្តី សុខដុមរម្យនា ។
ទិសខាងកើត : ដាំដើមដូង ដើម្បីជួយឱ្យមានសុខភាព មាំមួនជួយកម្ចាត់ទុក្ខនៅក្នុងចិត្ត ។ ដើមទទឹម ឬ ដើមផ្កាពណ៌ក្រហមនឹងនាំមកនូវថាមពលល្អ នៅពេលមានកូន និងមាន អ្នកនៅជួយល្អ ។
ទិសខាងកើតឆៀងខាងត្បូង : ដាំដើមឫស្សីជួយឱ្យមានលាភយស ឬបានឡើងតំណែងបន្ថែម ឬអាចដាំ ដើមញ ក៏បាន ។
ទិសខាងត្បូង : ដាំដើមស្វាយ ដើមម៉ាក់ប្រាង្គ ដើម្បីភាពរុងរឿង ។
ទិសខាងលិចឆៀងខាងត្បូង : ដាំដើមរាជព្រឹក្ស ដើមខ្នុរ ដើមអង្គាបុស្ស ឬដើមល្ពៅ ដើម្បីជួយបញ្ចៀស ពីអបាយមុខ និងចង្រៃឧបទ្រព និង ការពារកូនចៅព្រម ទាំងខ្លួនឯងកុំឱ្យងប់ងុលល្បែងនិងថ្នាំញៀន ។
ទិសខាងលិច : ដាំដើមកន្ទួតពីមុនមកមនុស្សនាំគ្នាជឿខុសថា មិនគួរដាំដើមកន្ទួតនៅមុខផ្ទះ ។ ក៏ប៉ុន្តែ តាមការពិតកន្ទួតជួយការពារភាពចង្រៃឧបទ្រព ការពាររឿងក្តីក្តាំ ការពាររឿងអសោច៍កេរ្តិ៍ និង ការពារមនុស្ស នាំរបស់ចង្រៃចូលមកក្នុងផ្ទះ ។
ទិសខាងលិចឆៀងខាងជើង : ដាំដើមឈើមានផ្លែ រសជាតិដូចជា ក្រូចសើច ក្រូចឆ្មារ ក្រូចថ្លុង ក្រូចឃ្វិច ដើម្បីជួយរឹតចំណងមេត្រីភាពទាំងមនុស្ស នៅក្នុងសង្គមគ្រួសារ និងមនុស្សមកពីខាងក្រៅ ។
កែសម្រួលបន្ទប់ចង្ក្រានឲ្យមានហុងស៊ុយ
បន្ទប់ចង្ក្រានបាយគួរតាំងនៅទិសខាងកើត ដើម្បីភ្ញោចធាតុឈើបង្កើនធាតុភ្លើងធ្វើឱ្យអ្នកចម្អិនអាហារ ទទួលទានបានពន្លឺថ្ងៃស្រទន់មានចិត្តគំនិតស្រស់ស្រាយ ។ ក៏ប៉ុន្តែមិនគួរតាំងចង្ក្រានទុកនៅទិសខាងជើង ព្រោះអាចប្រឈមជាមួយខ្យល់រដូវរងារធ្វើឱ្យអ្នករស់នៅក្នុងផ្ទះងាយកើតជំងឺតម្កាត់ ។ បន្ទប់ផ្ទះបាយក៏មិនគួរមានទីតាំងនៅដំបូងគេ ដោយគ្រាន់តែបើកទ្វារភ្លាមប្រទះឃើញភ្លែតនោះដែរ ។ មូលហេតុក៏ព្រោះបន្ទប់ចង្ក្រានតំណាងឱ្យ ធាតុភ្លើងដូច្នេះប្រសិនបើស្ថិត នៅមុនគេវានឹងរារាំងថាមពលល្អៗដែលបម្រុង ហូរចូលមកក្នុងផ្ទះ។
ជាងនេះទៅទៀតផ្សែងនិងចំហាយប្រេងអណ្តែតទៅកកចាប់ជាប់តាមជញ្ជាំង និងគ្រឿងសង្ហារិម បណ្តាលឱ្យបរិវេណផ្ទះទាំងមូលស្មោគគ្រោកក្លាយទៅ ជាប្រភព ផ្តុំមេរោគ ។ ក្រៅពីនោះហាមដាក់ចង្ក្រាននៅ ក្រោមធ្នឹមដាក់សម្ពាធមកលើចង្ក្រានបណ្តាលឱ្យកើតមានបញ្ហាសុខភាព ដូចជាពោះវៀន ក្រពះ ។ លើសពីនោះ ទៅទៀត ធ្នឹមក៏ជាប្រភពបណ្តុំនូវវត្ថុស្មោគគ្រោកពីការដាំស្ល ជ្រុះចូលក្នុងគ្រឿងដាំស្ល ទៀតផង ។
ចង្ក្រានគួរស្ថិតនៅត្រង់ទីកន្លែងដែលអ្នកដាំស្លអាចមើលឃើញមនុស្សដែលដើរចូលមកក្នុងផ្ទះបាយផង ដែរ ។ ប្រសិនបើបន្ទប់ផ្ទះបាយធ្វើការបែរខ្នងដាក់មាត់ទ្វារនោះនឹងធ្វើឱ្យកើតជម្លោះនៅក្នុងសង្គមគ្រួសារ ។ ប្រសិនបើមេផ្ទះមើលមិនឃើញអ្នកដើរចូលមកហើយភ្ញាក់ស្មារតីដោយសារ មានមនុស្សដើរចូល ដោយមិនដឹង ខ្លួននោះអាចធ្វើឱ្យកើតមានឧប្បត្តិហេតុបាន ។
កែសម្រួលឱ្យបន្ទប់ទឹកមានហុងស៊ុយ
បន្ទប់ទឹកគួរមានទីតាំងនៅទិសខាងលិចនៃតួផ្ទះ ព្រោះជាទីតាំងដែលរងនឹងកំដៅថ្ងៃរយៈពេលយូរជួយ កាត់បន្ថយភាពថ្នឹកសាំ ទប់ស្កាត់បាក់តេរី ដែលអាចការពារបាននូវរឿង សុខភាពអនាម័យ ។ ទីតាំងបន្ទប់ទឹកមិន គួរមានទីតាំងនៅចំកណ្តាលផ្ទះ ព្រោះនឹងនាំមកនូវអពមង្គល ។ ទីតាំងដែលល្អបំផុតសម្រាប់បន្ទប់ទឹកគួរដាក់ នៅជ្រុងណាមួយដែលមិនសូវសំខាន់ ។ តួបង្គន់មិនគួរស្ថិតនៅកៀកនឹងមាត់ទ្វារពេក ព្រោះអាចធ្វើឱ្យក្លិនភាព សំណើម និងមេរោគបាក់តេរីសាយភាយចេញមកក្រៅបន្ទប់បាន ។
ជាពិសេសបន្ទប់ទឹកមិនគួរនៅក្បែរនឹងបន្ទប់ផ្ទះបាយ ព្រោះមិនត្រឹមត្រូវតាមក្បួនអនាម័យ ព្រមទាំងមិន គាប់ភ្នែក ខណៈពេលមានមនុស្សដើរឆ្លងកាត់ទៀតផង ។ វិធីដែលអាចជួយដោះស្រាយបញ្ហានេះបាន គឺរក ឡប់ឡែមកបាំងបិទ ។
ការកែប្រែអង្សាត្រឹមតែបន្តិចបន្តួចការយកឡប់ឡែមកបាំងពីមុខបន្ទប់ទឹក ឬកែសម្រួលហុងស៊ុយដោយ ការដាក់អំពូលនោះឃើញថា វាហាក់ដូចជាតូចតាចពេក បើប្រៀបទៅជាមួយនឹងការប្រែប្រួលដ៏ល្អនៅក្នុងឆាក ជីវិត ជាពិសេសបញ្ហាសុខភាព ។ ប្រសិនបើលោកអ្នកមានគោលដៅសាងក្តីសង្ឃឹមនឹងកម្លាំងចិត្តដល់ខ្លួនឯង និង មនុស្សនៅជុំវិញកាយដូចៗគ្នា ។
បើមានបំណងអាចសាកល្បងធ្វើហុងស៊ុយខាងលិច នេះបានដោយគ្មាននរណាគេចោទប្រកាន់ថា លោកអ្នកងប់ងុលពេកនោះដែរ ។ មូលហេតុក៏ព្រោះក្នុងជីវិតធ្វើបានច្រើន រមែងល្អជាងការធ្វើបានតិចតួច៕
From Cen
No comments:
Post a Comment