តើលោកអ្នកអាចសម្គាល់ថា ភ្នែករបស់លោកអ្នកខុសប្រក្រតីដោយរបៀបណា? វាពិបាកណាស់មែនទេ? ខាងក្រោមនេះ រោគសញ្ញាមួយចំនួនដែលអាចបញ្ជាក់ថាភ្នែករបស់លោកអ្នកកំពុងមានបញ្ហាធ្ងន់ធ្ងរ ដែលទាមទារឲ្យលោកអ្នកត្រូវចាត់វិធានការជាបន្ទាន់៖
1. ភ្នែកឡើងក្រហមញឹកញាប់ ហើយរមាស់ ហើម និងមានការឈឺចាប់។ បញ្ហានេះបណ្តាលមកពី អាឡែហ្សី ឬមានរបួសណាមួយនៅលើភ្នែក។
2. ហូរទឹកភ្នែកមិនឈប់ឈរ។ បញ្ហានេះអាចបង្កឡើងដោយសារតែ មានបញ្ហាបំពង់បង្ហូរទឹកភ្នែក ឬមានដំបៅក្នុងភ្នែក។
3. មានទឹកដក់នៅខាងក្នុងភ្នែក។ នេះជាបញ្ហាធ្ងន់ធ្ងរមួយ ដែលបង្កឡើងដោយភ្នែករបស់លោកអ្នកប៉ះទង្គិតជាមួយនឹងអ្វីម្យ៉ាងធ្ងន់ធ្ងរ។
4. មានអារម្មណ៍ថាដូចជាមានអ្វីមកបាំងក្នុងភ្នែករបស់លោកអ្នក។ បើកើតមានបញ្ហានេះ សូមកុំព្យាយាមយកដៃញីភ្នែកដើម្បីកម្ចាត់នូវអ្វីដែលបាំងនោះចេញ តែលោកអ្នកត្រូវទៅជួបគ្រូពេទ្យជាបន្ទាន់។
5. កើតមានពពែភ្នែក។ បញ្ហានេះបង្កឡើងសោយសារតែលោកអ្នកខ្វះអនាម័យភ្នែក ធ្វើឲ្យមានបាត់តេរីជាច្រើនជាប់នៅភ្នែក។ សូមកុំព្យាយាមបំបែកវាដោយខ្លួនឯង ការទៅជួបគ្រូពេទ្យ ជាជម្រើសល្អបំផុត។
6. ភ្នែកស្ងួត។ បណ្តាលមកពីភ្នែកមិនបានផលិតសំណើមគ្រប់គ្រាន់ដើម្បីកម្ចាត់ធូលីដីចេញពីភ្នែក ហើយវាបានធ្វើឲ្យភ្នែកក្រហម និងឈឺចាប់ទៀតផង។ ក្នុងករណីនេះ លោកអ្នកអាចប្រើថ្នាំបន្តក់ភ្នែក ឬពិគ្រោះជាមួយនឹងគ្រូពេទ្យ។
7. មានទឹករអិលហូរចេញពីភ្នែក។ បញ្ហានេះបង្កឡើងដោយសារភ្នែកមានមេរោគ ឬជំងឺអ្វីមួយ។
8. ភ្នែកឡើងបាយ។ បើលោកអ្នកមិនព្យាបាលវាទេ យូរៗទៅ លោកអ្នកនឹងមើលអ្វីលែងឃើញជាមិនខាន។ ពេលមានបញ្ហានេះ លោកអ្នកត្រូវទៅជួបគ្រូពេទ្យជាបន្ទាន់។
9. មានឈាមកកក្នុងភ្នែក។ បញ្ហានេះអាចជាបទាក់ទងជាមួយនឹងខួរក្បាល ឬលោកអ្នកមានរបួសអ្វីម្យ៉ាងនៅលើលលាក្បាល។ សូមទៅជួបគ្រូពេទ្យឲ្យបានកាន់តែឆាប់ កាន់តែល្អ៕
ដោយ ភក្តី
ខ្មែរណូត
ប្រភព myilifestyle