គាត់និយាយថា ពួកយើងបន្តរួមរស់នឹងគ្នាទៀត គាត់មិនចង់ជាន់កំទេចគ្រួសារគាត់់ចង់ឱ្យកូនគាត់មានសុភមង្គល តែគាត់មិនអាចលះ បង់់ស្រីកំណាន់របស់គាត់បានទេ។ មេឃដីបីដូចជា បាក់ស្រុតមកលើខ្ញុំ ហើយខ្ញុំប្រាប់គាត់ថា ស្នេហាមិនអាចចែកគ្នាបានទេ។ គាត់តបថា ស្រីកំណាន់របស់គាត់ចេះអធ្យាស្រ័យចិត្តសប្បុរសទទួលយកបាន ហេតុអីខ្ញុំអាត្មានិយមយ៉ាងនេះ?
ខ្ញុំ និងប្តីខ្ញុំស្រឡាញ់គ្នា៤ឆ្នាំ ហើយពួកយើងរៀបការនឹងគ្នាបាន៦ឆ្នាំ ពេលនេះមានកូនប្រុសម្នាក់អាយុ៤ឆ្នាំហើយជាចំណងដៃ។ នាងខ្ញុំតែងគិតថា ខ្លួនជាអ្នកមានសុភមង្គលដ៏លើសលប់ ពីព្រោះយើងរៀបការនឹងគ្នាដោយសារស្នេហាដ៏បរិសុទ្ធគ្មានការបង្ខិតបង្ខំពីលោកពុក ឬអ្នកម៉ែ។ នាងខ្ញុំជឿជាក់លើប្តី១០០ភាគរយ ហើយស្រឡាញ់ប្តីជាទីបំផុត។ ៦ឆ្នាំរស់នៅក្រោមដំបូលផ្ទះតែមួយ គ្មានថ្ងៃណាដែលឡើងផ្សារហើយនាងខ្ញុំគិតថា សួរម្ហូបដែលខ្លួនឯងចូលចិត្ត ខ្ញុំគិតថាធ្វើមុខណាដែលត្រូវមាត់ប្តីខ្ញុំមុននឹងធ្វើការងារគ្រប់យ៉ាងខ្ញុំគិតដល់ប្តីជាមុនសិន។ បើគិតចាប់ពីថ្ងៃស្គាល់គ្នាទល់ឥឡូវគឺ ១០ឆ្នាំប្លាយហើយ តែខ្ញុំនៅតែចង់នៅក្បែរប្តីកាន់តែយូរកាន់តែល្អ បើមានពេលទំនេរគឺខ្ញុំទុកសម្រាប់គ្រួសារទាំងអស់ ហើយការពិតគឺខ្ញុំរវល់ដកដៃមិនចង់បាន។ ខ្ញុំតែងលៃលកខណៈណា ដែលគាត់នៅផ្ទះគឺខ្ញុំនៅផ្ទះនឹងគាត់ដែរ នាងខ្ញុំសែនមានសុភមង្គលនិងធ្វើជាប្រពន្ធគាត់។ មុននឹងយើងបានរៀបការក៏មានការជំទាស់រារាំងពីគ្រួសារគាត់ដែរ ហើយឥឡូវនេះសមាជិកគ្រួសារគាត់ស្រឡាញ់ខ្ញុំណាស់។ កាលពីរៀបការដំបូងពួកយើងមានតែបាតដៃទទេ ឯពេលនេះការងារខ្ញុំហ្នឹងហ្នឯគាត់ឡើងស័ក្តិកើនប្រាក់ជាញយ។
ប៉ុន្តែមុននេះមួយថ្ងៃគាត់ប្រាប់ខ្ញុំថា "បងមានកំណាន់ចិត្តម្នាក់អស់ពេលជាងមួយឆ្នាំហើយ"។ បុរាណពោលថា "មានប្តូរមិត្ត ខ្ពង់ខ្ពស់ប្តូរចិត្ត" ពេលនេះខ្ញុំយល់ហើយថែមទាំងសែនឈឺចាប់ ហើយដើរតែលតោលខាងក្រៅផ្ទះសឹងពេញមួយយប់មួយថ្ងៃ។ បាយមិនឃ្លានទឹកមិនស្រេក សំដីរបស់គាត់ហាក់នៅរងំក្នុងត្រចៀករបស់ខ្ញុំ និងជាអំបិលប្រឡាក់បេះដូងខ្ញុំ។ គាត់ប្រាប់ខ្ញុំថា គាត់ស្រឡាញ់គេនោះណាស់ គេជាស្ត្រីប៉ិនប្រសប់ ឯខ្ញុំគ្រាន់តែជាអត្ថន័យប៉ុណ្ណោះគេនោះចេះពូនជ្រុំសុភមង្គល ចេះយោគយល់អធ្យាស្រ័យ មិនហួងហែងទុកសេរីភាពឱ្យគាត់ពេញទី។
ខ្ញុំក៏វែកញែកឱ្យគាត់ឃើញថានាងនោះចំពោះគាត់បីដូចជាការញ៉ាំបាយហាងគេងក្នុងសណ្ឋាគារ ជួបគ្នាគ្រាន់តែដើម្បីបំពេញនូវតម្រេកតណ្ហាឱ្យគ្នា តើមានការខ្វែងគំនិតពីណាមក ហើយពេលវេលាសែនខ្លីមិនគ្រប់សម្រាប់នែបនិត្យគ្នាផងនោះ។ នាងនោះមិនរៀបចំឱ្យគាត់ រាល់ៗថ្ងៃនូវអាហារបីពេល ពេលចូលសម្រាកសម្រាន្ដមិនរៀបចំ នូវភួយសំពត់ខ្នល់ខ្នើយ ហើយក៏មិនបានអត់ងងុយដល់ម៉ោង២-៣ភ្លឺ ដើម្បីបើកទ្វារឱ្យគាត់(ប្ដីខ្ញុំជាបុគ្គលិកជាន់ ខ្ពស់ផ្នែកsaleនៅក្រុមហ៊ុនស្រាបៀរមួយ ហេតុនេះត្រូវផឹកស៊ីរាល់ថ្ងៃ)។ ៦ឆ្នាំកន្លងមក ខ្ញុំមិនដែលបិទភ្នែកគេងមុនពេលគាត់មកដល់ផ្ទះខ្ញុំតែងស្ដាប់យ៉ាងយកចិត្ដទុក ដាក់នូវសម្លេងម៉ូតូ ហើយឥឡូវគឺឡានដែលបានឈប់មុខផ្ទះ ហើយស្ទុះភ្ញាក់ ពេលឮ សម្លេងប្លែកខុសពីសព្វមួយដង ហើយខ្ញុំចាំគាត់យ៉ាងនេះដរាបមក។ បើមិនបានរួមរស់ជា ប្តីប្រពន្ធនឹងគ្នាផងសួរថាធ្វើម៉េចមានរឿង រកាំរកូសតិចតួចនាងនោះទុកឱ្យគាត់មានសេរីភាពត្បិតនាងជាអ្នកមកក្រោយ មិនមែនជាប្រពន្ធ គាត់ពិសេសគាត់ស្រឡាញ់នាងងប់យ៉ាងហ្នឹងតើមានអ្វី ត្រូវឃុំគ្រងបន្ថែមទៀតនោះ។ ពោលគឺនាងខ្ញុំបាននិយាយន័យល្មមស្ដាប់យល់ ដោយសម្លេងទន់ភ្លន់ស្មោះអស់ពីដួងចិត្ដ ហើយសង្ឃឹមថាគាត់នឹងពិចារណាឡើងវិញ។ ខ្ញុំមិនស្រែកសន្ធាប់មិនជេរប្រទេចផ្ដាសាប្រមាថកាតទានដូចស្រីទូទៅតែងធ្វើពេលប្ដីផិតក្បត់។
គាត់បានអះអាងដូចពីខាងដើម។ ខ្ញុំពន្យល់ ប្រាប់គាត់ថា នាងនោះមិនមែនក្រមុំឯណា នាងមានសង្សាររាប់ភ្លេចបានគាត់ស្រឡាញ់គឺសំណាងរបស់នាងហើយ។ចំណែកខ្ញុំគឺជាប្រពន្ធពេញច្បាប់របស់គាត់ក្រាបក្បាលដល់កន្ទេលចំពោះមុខមេបាហើយគាត់ជាអ្នកក្រេបយកព្រហ្មចារីរបស់ខ្ញុំផងដែរ។ ពិសេសគាត់និងខ្ញុំមានកូនប្រុសដ៏គួរឱ្យស្រឡាញ់ម្នាក់ជាចំណងខ្ញុំមិនអាចរស់នៅដោយចែកប្ដីគ្នាបានទេ។
ពុទ្ធោអើយសម្ដីខ្ញុំនៅគ្រានេះគ្មានន័យទេ។ ខ្ញុំឱ្យគាត់រើសផ្លូវមួយមានខ្ញុំនិងកូនផ្លូវមួយទៀតមាននាងនោះ។ គាត់តបថាគាត់យកទាំងពីរ។ ខ្ញុំមិនព្រមបើគាត់សម្រេចអញ្ចឹងគឺនាងខ្ញុំជាអ្នកចាកចេញ។ គាត់និយាយលួងថាលុយកាក់ទាំងអម្បាលមាណគាត់ចែកឱ្យខ្ញុំចំណែកច្រើន ហើយគាត់ធានារកសុភមង្គលឱ្យខ្ញុំនិងអនាគតឱ្យកូន ហើយមិនឱ្យខ្ញុំចាកចេញ។
ប៉ុន្ដែមិត្ដអ្នកអានជ្រាបស្រាប់ហើយ នាងខ្ញុំត្រូវការតែគាត់ប៉ុណ្ណោះត្បិតគាត់និងកូនជារបស់ថ្លៃបំផុតសម្រាប់ខ្ញុំបើទោះជាគេទិញៗឬដូរក្នុង តម្លៃ មហាសាលក៏ខ្ញុំមិនព្រម។ ខ្ញុំប្រាប់គាត់ថាកូនយើងគួរបានរស់ក្នុងគ្រួសារកក់ក្ដៅធម្មតាមួយ។ កូននឹងមិនធម្មតាបើវារស់ក្នុងគ្រួសារ មិនធម្មតាមួយ។ ឪពុកនិងម្ដាយខ្ញុំបែកបាក់គ្នាកាលពីខ្ញុំនៅតូច ខ្ញុំអាណិតកូនខ្លាចកូនធ្លាក់ដានរទេះនៃជំនាន់ខ្ញុំ៕
From kntnews