ការពង្រីកបរិវេណផ្ទះទោះបីទទួលបានទីធ្លាធំពិត មែនតែផ្ទុយមកវិញពេលខ្លះវាបំផ្លាញហុងស៊ុយក្នុងផ្ទះសម្បែងទៅវិញ ។ ផ្ទះខ្លះធ្លាប់តែមានទម្រង់៤ជ្រុង ឬចតុ-កោណកែងល្អ ដែលចាត់ទុកជាទម្រង់ហុងស៊ុយ តែថ្ងៃណាមួយម្ចាស់ផ្ទះពង្រីកបន្ថែមនាំឱ្យខូចទម្រង់ដើម នាំឱ្យជះឥទ្ធិពលអាក្រក់ដល់សមាជិកក្នុងផ្ទះសម្បែង ។
មូលហេតុដែលនាំឱ្យ កើតផលអាក្រក់
ផ្ទៃផ្ទះដែលមានលក្ខណៈរកេតរកូតដោយសារការសង់បន្ថែម ។ បើកែច្នៃទៅទិសខាងជើងតាមក្បួនហុងស៊ុយចិន បញ្ជាក់ថា អាចនឹងបង្កឱ្យសមាជិកមនុស្សប្រុសក្នុងផ្ទះដែលមានអាយុចាប់ពី១៦ទៅ៣១ឆ្នាំ កើតជំងឺនិងមានរឿងរកាំរកូសកើតឡើង ។
ផ្ទះតរកេតរកូតទៅទិសខាងកើតឆៀងខាងជើង ត្រូវប្រយ័ត្នកើតមានបញ្ហាប្រព័ន្ធរំលាយអាហារកើតឡើងចំពោះក្មេងប្រុស អាយុ១ទៅ១៦ឆ្នាំ ។ ផ្ទះតរកេតរកូតទៅទិសខាង កើតឆៀងខាងត្បូងត្រូវប្រយ័ត្នកើតរឿងគ្រោះកម្មដែលអាច កើតឡើងចំពោះស្ត្រីអាយុ៣១ទៅ៤៥ឆ្នាំ ។ ផ្ទះតរកេតរកូតទៅទិសខាងលិច ប្រយ័ត្នជោគអាក្រក់កើតឡើងចំពោះស្ត្រី អាយុ៣១ទៅ៤៥ឆ្នាំ ហើយបើតទិសខាងលិចឆៀងខាងជើង បុរសអាយុ៤៥ទៅ៧៥ឆ្នាំ តែងធ្វើឱ្យបាត់បុណ្យបារមី ខ្វះអំណាច ពិសេសអាចបង្កឱ្យបាត់បង់ជីវិតផង។
ចំពោះផ្ទះតរកេតូរកូតទៅទិសខាងលិចឆៀងត្បូង ស្ត្រីអាយុ៤៥ទៅ៧៥ឆ្នាំ ត្រូវប្រយ័ត្នកើតជំងឺពាក់ព័ន្ធជាមួយ សួត និងពោះវៀន ។ ចំណែកឯផ្ទៃផ្ទះតរកេតរកូតទៅទិស ខាងត្បូង គួរប្រយ័ត្នរឿងក្តីដែលអាចកើតឡើងចំពោះស្ត្រី អាយុ១៦ទៅ៣១ឆ្នាំ ។
នោះគ្រាន់តែជាជំនឿប៉ុណ្ណោះដែលអ្នកមិនគប្បីជឿពេកដែរ ។ ទោះបីយ៉ាងណាបើធ្វើការតផ្ទះឱ្យស្អាតសមសួន ក៏ជាការជួយលើកហុងស៊ុយបន្ថែមផងដែរ ។
មិនត្រូវដាក់ ចង្ក្រានជិតទឹកអត់មានជោគលាភនិងភាពសុខដម
ការដាក់ចង្ក្រាននៅជិតកន្លែងលាងចានដែលមាន ក្បាលរ៉ូប៊ីណេទឹកនោះជាលក្ខណៈមិនផ្តល់ជ័យមង្គលទេ ព្រោះថាទីតាំងរបស់ភ្លើងដែលនៅជិតទឹករមែងធ្វើឱ្យមាន ការប៉ះទង្គិចគ្នា ។ វាតែងតែហុចផលអាក្រក់នាំឱ្យបាត់បង់ មាសប្រាក់ ហើយមិនមានផលប្រយោជន៍តបស្នងមកវិញទេ។ ក្រៅពីនេះនៅបង្កគ្រោះភ័យបង្កើតភាពក្តៅក្រហាយបាត់ជោគ លាភនិងបាត់សិរីសួស្តី ។ វិធីបំបាត់ជោគអាក្រក់នេះ គឺត្រូវយកចង្ក្រានចេញឱ្យឆ្ងាយពីកន្លែងលាងចាន ។ ក្រៅពីនេះនៅក្រោយចង្ក្រាន ហ្គាស ឬចង្ក្រានធ្យូង មិនគួរឱ្យនៅវាលទំនេរ និងមិនគួរឱ្យ ប្រភពទឹកនៅពីក្រោយចង្ក្រានឡើយ ព្រោះវាអាចធ្វើឱ្យស្ត្រី ក្នុងផ្ទះជួបគ្រោះអាក្រក់ដូចគ្នានឹងការដាក់ចង្ក្រាននៅជិតកន្លែង លាងចានដែរ ៕
ប្រភពពី Cen