អង្ករសម្បូរទៅដោយអាស៊ីត linoleic និង squalene ដែលជាសារធាតុប្រឆាំងអុកស៊ីតកម្ម មានឥទ្ធិពលខ្លាំងបំផុតក្នុងការផលិតកម្មស្រទាប់ កូឡាជែន ទប់ទល់នឹងស្នាមជ្រួញ។ លើសពីនេះទៅទៀត squalene នៅក្នុងអង្ករ អាចការពារស្បែកពីការប៉ះពាល់នៃកាំរស្មីព្រះអាទិត្យ ហើយជាទូទៅអង្ករសម្បូរវីតាមីន E និង gamma oryzanol ដែលត្រូវបានគេទទួលស្គាល់ថា មានសមត្ថភាពការពារបេះដូង ព្រមទាំងបន្ថយកូឡេស្តេរ៉ុល។ តែគួរឲ្យស្តាយជនជាតិជប៉ុនភាគច្រើន មិនបានដឹងពីការពិតដែលអ្នកវិទ្យាសស្ត្របានរកឃើញនេះទេ។
ខាងក្រោមនេះគឺជារូបមន្តដ៏សាមញ្ញក្នុងការធ្វើម៉ាសបិទមុខ ដែលមានប្រសិទ្ធិភាពជួយឲ្យផ្ទៃមុខរលាង គ្មានស្នាមជ្រួញ និងធ្វើឲ្យស្បែកស្រស់ថ្លា។ គ្រឿងផ្សំ៖ – អង្ករ ៣ស្លាព្រាបាយ – ទឹកដោះគោ ១ស្លាបព្រាបាយ – ទឹកឃ្មុំ ១ស្លាបព្រាបាយ របៀបធ្វើ៖ – ដាក់អង្ករដាំឲ្យពុះ រួចច្រោះយកទឹកវាទុក។
រួចលាយទឹកដោះគោក្តៅឧណ្ឌៗ ១ស្លាបព្រាបាយជាមួយទឹកអង្ករ និងទឹកឃ្មុំ ១ស្លាបព្រាបាយកូរចូលគ្នាឲ្យសព្វល្អ។ – ចាប់ផ្តើមអនុវត្តល្បាយនេះនៅលើស្បែកមុខ រួចទុកឲ្យស្ងួតតាមដំណើរ។ បន្ទាប់មកសម្អាតផ្ទៃមុខរបស់អ្នក និងលាងវាជាមួយនឹងទឹកអង្ករដែលនៅសល់។
ទឹកអង្ករមានលក្ខណៈសម្បត្តិប្រឆាំងនឹងអុកស៊ីតកម្មខ្លាំង។ វាអាចជួយដល់ស្បែក និងជំរុញចរាចរឈាម, ជួយកម្ចាត់ស្នាមជ្រួញ និងរលាក។ ម៉ាសបិតមុខនេះនឹងធ្វើឲ្យស្បែករបស់អ្នកកាន់តែមានសុខភាពល្អ៕
No comments:
Post a Comment