១. វិធីធម្មជាតិក្នុងការកំចាត់ស្នាមជ្រួញជុំវិញមាត់ អ្វីដែលអ្នកត្រូវការនោះគឺ៖ – ក្រមួនឃ្មុំ ២០០ក្រាម – ផ្ការាជព្រឹក្សស្រស់ៗ
១ – ប្រេងអូលីវ ៧៥០មីលីត្រ អ្វីដែលអ្នកត្រូវធ្វើ៖
– យកគ្រឿងផ្សំខាងលើដាក់ចូលទៅក្នុងឆ្នាំងមួយ ហើយដាក់ដាំនៅលើភ្លើង (បើកភ្លើងតិចៗ) រយៈពេល មួយនាទី ហើយទុកល្បាយនោះចោលមួយយប់។
– ព្រឹកឡើងកំដៅវាម្តងទៀត
– ហើយរក្សាវាក្នុងប្រអប់ស្អាត
– លាបក្រែមនោះទៅស្នាមជ្រួញជារៀងរាល់ថ្ងៃ (ពេលព្រឹករឺយប់) រយៈពេល ២ សប្តាហ៍។
២. បំបាត់ស្នាមខ្មៅ
– លាយទឹកត្រសក់ និង ទឹកដំឡូងបារាំង ក្នុងបរិមាណស្មើគ្នា។
– លាបវាទៅលើក្រោមរង្វង់ភ្នែក ដើម្បីកំចាត់ស្នាមដក់ និង ស្នាមជាំខ្មៅក្រោមរង្វង់ភ្នែក។
– អ្នកអាចលាយទឹកក្រូចឆ្មារចូលទៀតក៏បាន។ វារឹតតែមានប្រសិទ្ធភាពក្នុងការបំបាត់ស្នាមជាំខ្មៅ។ – លាបវាទៅលើក្រោមរង្វង់ភ្នែក ដោយទុកចោល ១៥នាទី សឹមលាងសំអាតចេញ។
៣. បំបាត់មុនក្បាលខ្មៅត្រឹមតែ ១ នាទី ប្រសិនបើអ្នកចង់ធ្វើការបំបាត់មុនក្បាលខ្មៅអ្នកគ្រាន់តែត្រូវការ៖
– ក្រូចឆ្មារ ១ ចំហៀង
– ទឹកឃ្មុំ ២-៣ តំណក់ វិធីប្រើ៖
– ចាក់ទឹកឃ្មុំទៅលើក្រូចឆ្មារ ហើយដុសក្រូចឆ្មារទៅលើកន្លែងដែលមានមុនរយៈពេល ១នាទី រួចហើយលាងសំអាតផ្ទៃមុខ ដោយប្រើទឹកក្តៅឧណ្ហៗ នោះមុនក្បាលខ្មៅនឹងលែងមានទៀតហើយ។ ៤. បំបាត់ក្លៀកខ្មៅ
– លាយយ៉ាអួ ១ ស្លាបព្រាបាយ
– ម្សៅអង្ករ ១ ស្លាបព្រាបាយ រឺ baking soda (រកទិញនៅផ្សារទំនើប)
– ទឹកដោះគោស្រស់ ១ ស្លាបព្រាបាយ
– កូរបញ្ជូលគ្នាអោយសព្វ រួចលាបទៅលើក្លៀករបស់អ្នក។ ទុកចោលមួយសន្ទុះធំ សឹមសំអាតចេញ។ ធ្វើវារៀងរាល់ថ្ងៃប្រសិនបើក្លៀករបស់អ្នកខ្មៅខ្លាំង។
៥. កែងជើងប្រេះ មនុស្សជាច្រើនមានបញ្ហាកែងជើងប្រេះ។ វីធីបំបាត់មិនពិបាកទេ អ្វីដែលអ្នកត្រូវធ្វើនោះគឺ៖
– យកចេកទុំបិទទៅលើជើងរយៈពេល ១០ នាទី សឹមលាងចេញ។
– វិធីផ្សេងទៀតនោះអ្នកគ្រាន់តែត្រាំជើងក្នុងទឹកក្តៅឧណ្ហៗ រយៈពេល ១៥នាទី។ ទឹកក្តៅជួយធ្វើអោយស្បែកជើងរបស់អ្នកទន់ និងជំរុះកោសិការស្បែកងាប់ចេញ។
៦. កញ្ចឹងកខ្មៅ យកសំលីជ្រក់ចូលទៅក្នុងទឹកក្រូចឆ្មារ។ ជូតទៅលើកញ្ចឹងករបស់អ្នក ហើយរង់ចាំរយៈពេល ១៥-២០នាទី។ សឹមលាងចេញជាមួយទឹកត្រជាក់ ហើយលាបក្រែមថែរក្សាស្បែកដែលអ្នកមាន។ ជៀងវាងការដើរក្រោមកំដៅថ្ងៃខ្លាំង បន្ទាប់ពីប្រើវិធីនេះរួច។
អ្នកអាចលាបឡេការពារកំដៅថ្ងៃ ប្រសិនបើអ្នកមានភារកិច្ចត្រូវចេញទៅក្រៅ៕
ផ្តល់សិទ្ធិដោយ បែកធ្លាយ
No comments:
Post a Comment