ពិភពលោកអាចនឹងជួបគ្រោះ ព្រោះកម្រិតទឹកសមុទ្រឡើងខ្ពស់ហួសការរំពឹងទុក (វីដេអូ)

ដោយសារតែជាង១០ឆ្នាំចុងក្រោយនេះការបំផ្លាញធនធានធម្មជាតិហាក់ដូចជាមានសន្ទុះខ្លាំង បូកផ្សំនឹងការមិនយកចិត្តទុកដាក់ចំពោះបរិស្ថានផងដែរនោះ វាបានជះឥទ្ធិពលយ៉ាងខ្លាំងដល់ការកើនឡើងនៃកម្ពស់ទឹកសមុទ្រ ជាក់ស្ដែងប្រហែលជា១០ឆ្នាំជាងនេះ កម្រិតទឹកសមុទ្របានហក់ឡើងដល់ទៅ៣អ៊ីញ ស្មើនឹង៨សង់ទីម៉ែត្រ នេះបើយោងតាមការសន្និដ្ឋានរបស់អង្គការ NASA អាមេរិក ។

គិតចាប់ពីឆ្នាំ១៩៩២ ដល់ឆ្នាំ២០១៥នេះ កម្ពស់ទឹកសមុទ្របានកើនឡើង៨សង់ទីម៉ែត្រ ប៉ុន្តែដោយសារតែកត្តាភូមិសាស្ត្រមិនដូចគ្នា មានកន្លែងខ្លះកើនឡើងខ្ពស់ជាងនេះ ពោលគឺកើនដល់ទៅ២៥សង់ទីម៉ែត្រ ហើយនេះជាបញ្ហាប្រឈមមួយសម្រាប់ពិភពលោកទាំងមូល ។

នៅក្នុងកិច្ចប្រជុំស្ដីពីការបម្រែបម្រួលអាកាសធាតុមួយនាឆ្នាំ២០១៣ ក្រុមការងារអន្តររដ្ឋបាលរបស់អង្គការសហប្រជាជាតិបាននិយាយថា នាចុងបញ្ចប់នៃសតវត្សទី២១នេះ កម្រិតទឹកសមុទ្រនឹងកើនចន្លោះពី៣០.៥សង់ទីម៉ែត្រ ទៅ៩១សង់ទីម៉ែត្រ ប៉ុន្តែការរកឃើញថ្មីនេះបញ្ជាក់ថា ការពិតវានឹងកើនលើសពីការរំពឹងទុកទៅទៀត ។

ផ្កាយរណបរបស់អង្គការ NASA បានបង្ហាញឲ្យដឹងថា ក្នុងមួយឆ្នាំៗ កម្ពស់ទឹកសមុទ្រកើនឡើង៣.២១មិល្លីម៉ែត្រ ហើយបើគិតពីខែសីហា ឆ្នាំ២០១៤ ដល់ខែសីហា ឆ្នាំ២០១៥នេះ វាកើនពី៥៨.៦៦មិល្លីម៉ែត្រ ទៅ៦៥.៥៣មិល្លីម៉ែត្រ ។

កត្តា៣យ៉ាងសំខាន់ៗជាមូលហេតុដែលធ្វើឲ្យកម្ពស់ទឹកសមុទ្រកើន នោះគឺ៖

១. ដោយសារតែកម្ដៅទឹកសមុទ្រក្ដៅជាងមុន ។

២. ដោយសារតែការរលាយផ្ទាំងទឹកកកនៅដែនដី Greenland និងតំបន់អាកទិច (Antarctic) ។

៣. ដោយសារតែការរលាយភ្នំទឹកកកធំៗ ។

ពិភពលោកអាចនឹងជួបគ្រោះ ព្រោះកម្រិតទឹកសមុទ្រឡើងខ្ពស់ហួសការរំពឹងទុក (វីដេអូ)please like and share this videos <3
Posted by foxson.net on Saturday, September 5, 2015

ផ្ដល់សិទ្ធិដោយ៖ Kqube

អ្វីៗដែលបានផ្សាយថ្មីៗនេះ