ISIS ឲ្យទាហានក្មេងរបស់ខ្លួនបាញ់សម្លាប់អ្នកទោសគ្មានប្រណីដៃ (វីដេអូ)

ក្រុមឧទ្ទាមរដ្ឋឥស្លាមដ៏ឃោរឃៅ ដែលគ្រប់គ្នាស្គាល់ថាជាក្រុម ISIS នោះ ឥឡូវនេះបានបញ្ចេញរូបភាពថ្មីហើយ បង្ហាញពីក្មេងប្រុសអាយុប្រហែលជា១០ឆ្នាំម្នាក់ កាន់កាំភ្លើងបាញ់បំបែកក្បាលអ្នកទោសម្នាក់ដែលស្ថិតក្នុងឈុតក្រហម នេះបើយោងតាមសារព័ត៌មាន Daily Mail ដែលបានចុះផ្សាយកាលពីថ្ងៃទី៣ ខែសីហាម្សិលមិញនេះ ។

នៅក្នុងរូបភាពដែលត្រូវបានផ្សាយចេញជាសាធារណៈដោយក្រុមអ្នកប្រឆាំងនឹង ISIS នៅក្នុងប្រទេសស៊ីរី បានបង្ហាញពីអ្នកទោសម្នាក់ដែលអង្គុយលុតជង្គង់ អមជាមួយនឹងមនុស្ស២នាក់ផ្សេងទៀត ម្នាក់ជាអ្នកឈរមើល និងម្នាក់ទៀតជាក្មេងប្រុសដែលមានកាន់កាំភ្លើងក្នុងដៃ ។

ទោះបីជាយ៉ាងនេះក្ដី គ្មានរូបភាពណាមួយដែលអាចបញ្ជាក់បានច្បាស់ទេថា ក្មេងម្នាក់នោះបានកេះកៃកាំភ្លើងឬក៏អត់ គ្រាន់តែស្ថិតក្នុងរូបភាពបន្ទាប់ វាបានបង្ហាញពីអ្នកទោសម្នាក់នោះដេកស្ដូកស្ដឹងគ្មានចលនាអ្វីបន្តិច ។

គួរបញ្ជាក់ថា នេះមិនមែនជាលើកទីមួយទេដែលក្រុម ISIS ឲ្យទាហានក្មេងៗទៅបាញ់សម្លាប់អ្នកទោសរបស់ខ្លួននោះ ព្រោះថាកន្លងមកករណីបែបនេះធ្លាប់បានកើតឡើងច្រើនដងរួចមកហើយ ។