៥ប្រទេស មានករណីរំលោភច្រើនបំផុត គួរឲ្យខ្លាច

មួយរយៈចុងក្រោយនេះ ធ្លាប់តែឮព័ត៌មានរំលោភសម្លាប់ស្ត្រីភេទសាហាវៗពីជនល្មើសជាក្រុមៗ ពីប្រទេសឥណ្ឌា។ ប៉ុន្តែយ៉ាងណាមិញ ប្រទេសដែលមានប្រជាជនច្រើនបំផុតលំដាប់ទីពីរបន្ទាប់ពីចិន លើពិភពលោកនេះ មិនមែនឈរនៅកំពូលតារាងនៃបណ្ដាប្រទេសដែលកើតមានករណីរំលោភសេពសន្ថវៈសាហាវ ឬច្រើនជាងគេនោះទេ បើធៀបនឹងប្រទេសមួយចំនួនទៀត។ ចុះឥណ្ឌាឈរនៅទីតាំងណា? ជាប់លេខប៉ុន្មាន? ប្រទេសណាជាប់លេខ១? កើតមានប៉ុន្មានករណី?

អាន៖ ម៉ាឡេស៊ី៖ បំណែកយន្តហោះនៅ Reunion ពិតជារបស់ MH370 មែន

ខាងក្រោមនេះជាបញ្ជីប្រទេស ៥ ដែលមានករណីរំលោភបំពានផ្លូវភេទច្រើនបំផុតក្នុង ១ឆ្នាំៗ៖

៥.ឥណ្ឌា៖ ស្ត្រី ៩៣នាក់ត្រូវបានគេរំលោភជារៀងរាល់ថ្ងៃ ហើយជនរងគ្រោះជាក្រុមស្ត្រីដែលមានអាយុស្ថិតនៅចន្លោះពី ១៤ ទៅ ៣០ឆ្នាំ។
-២០១២៖ ២៤ ៩២៣ករណី
-២០១៣៖ ៣៣ ៧០៧ករណី

៤. អង់គ្លេស-វែលឡ៍៖ មិនតិចជាង ២៣០ករណីទេ ដែលស្ថាប័នពាក់ព័ន្ធរាយការណ៍ថា កើតមានអំពើរំលោភ។ ជនរងគ្រោះប្រទេសពីរនេះបូកបញ្ចូលគ្នាប្រមាណ ៨៥ ០០០នាក់ (ស្រ្តី ៧៣ ០០០នាក់; បុរស ១២ ០០០នាក់)។ ភាគច្រើនជនរងគ្រោះមានអាយុចន្លោះពី ១៣-១៨ឆ្នាំ។

៣.សហរដ្ឋអាមេរិក៖ ប្រទេសមហាអំណាច និងស៊ីវិល័យមួយនេះក៏ជាប់ឈ្មោះ ខាងរំលោភដែរ។ ស្ត្រី ១៩,៣% និង បុរស ២% ជាតួលេខជនរងគ្រោះក្នុងការបំពានផ្លូវភេទជារៀងរាល់ឆ្នាំ។ នេះបើយោងតាមរបាយការណ៍ស្ថិតិការបំពានផ្លូវភេទពិភពលោក។ ទិន្នន័យខ្មៅងងឹតដែលកើតឡើងជារៀងរាល់ឆ្នាំនៅ ប្រទេសនេះ បង្កលើជនរងគ្រោះទាំងស្រីទាំងប្រុស ដែលមានអាយុចាប់ពី១២ឆ្នាំឡើងទៅ ប្រមាណជា ២៩៣ ០០០នាក់។

២.ស៊ុយអែត៖ ស្ត្រី ២៥% នៃប្រជាជនសរុប (គិតតែស្ត្រី) ស្ថិតក្នុងបញ្ជីគំរាមកំហែងនៃបទសេពសន្ថវៈ។ កំណើន ១ ៤៧២ ភាគរយនៃបទល្មើសរំលោភបើគិតតាំងពីឆ្នាំ ១៩៧៥ (៤២១ករណី) ទៅឆ្នាំ ២០១៤ (៦ ៦២០ករណី)។ ប្រទេសនេះត្រូវបានគេចាត់ចំណាត់ថ្នាក់ថាជាទីដ៏គ្រោះថ្នាក់បំផុតសម្រាប់ស្រីៗ។

១.អាហ្វ្រិកខាងត្បូង៖ យោងតាមរបាយការណ៍ផ្លូវការរបស់ប្រទេសនេះ ករណីរំលោភបំពានផ្លូវភេទទៅលើស្ត្រីមានមិនតិចជាង ៥០ម៉ឺនករណីទេ ក្នុងមួយឆ្នាំៗ។ ស្ត្រីប្រមាណជាង ៤០% នៃប្រទេសនេះ ប្រឈមមុខនឹងការបំពានផ្លូវភេទ ហើយក្នុងនោះជនរងគ្រោះ ខ្ទង់ ១៥%ជាកុមារ អាយុក្រោម ១១ឆ្នាំ។

ដោយ៖ ខ្លាឃ្មុំតូច
ប្រភព៖ wonderslist

អ្វីៗដែលបានផ្សាយថ្មីៗនេះ