ផ្ដល់សិទ្ធិដោយ មង្គលការ
ពណ៌នៃស៊ុតលឿងអាចបង្ហាញពីស្ថានភាពនៃសុខភាពរបស់មេមាន់ ហើយភាគច្រើននៃស៊ុតដែលគេធ្វើវិនិច្ឆ័យតាមវិធីនេះ រកឃើញថាមេមាន់មានសុខភាពមិនល្អទាំងអស់។
មេមាន់ដែលចិញ្ចឹមមិនបានរស់នៅក្រោមពន្លឺព្រះអាទិត្យ ពួកវាត្រូវបានគេរក្សាទុកក្នុងម្លប់ ២៤ម៉ោងក្នុងមួយថ្ងៃ ស៊ុតរបស់វាមិនល្អដូចជាមេមាន់ដែលអ្នកចិញ្ចឹមឲ្យដើរជុំវិញផ្ទះដោយសេរីនោះទេ។
ភាគច្រើននៃស៊ុតមាន់ដែលអ្នកបានទិញនៅតាមទីផ្សារមើលទៅស៊ុតកណ្តោលរបស់វាស្តើង, មានពណ៌លឿងថ្លា បង្ហាញថាមេមាន់មានសុខភាពមិនល្អ។ តែបើវាមើលទៅក្រាស់ ហើយមានពណ៌លឿងក្រម៉ៅ គឺល្អបំផុតដែលត្រូវជ្រើសរើស។
លោកបណ្ឌិត Hilary Shallo នាយកនៃវិទ្យាស្ថាន safety and nutritional value បានពន្យល់ថា ស៊ុតបានមកពីមេមាន់ដែលចិញ្ចឹមតាមបែបធម្មជាតិគឺជាអាហារដែលល្អបំផុតព្រោះវាមានប្រូតេអ៊ីន និងវីតាមីនជាច្រើនដែលមនុស្សគ្រប់ត្រូវការ។
កម្រិតជាតិខ្លាញ់ និងប្រូតេអ៊ីន សុទ្ធតែមានដូចគ្នានៅក្នុងស៊ុតទាំងអស់ ប៉ុន្តែស៊ុតដែលមានពណ៌លឿងក្រម៉ៅសម្បូរទៅដោយសារធាតុ xanthophylls និង អូមេហ្គា ៣ ។ Xanthophylls គឺល្អសម្រាប់ចរាចរឈាម ជាពិសេសនៅពេលដែលសាច់មេមាន់តែមានពងពណ៌លឿក្រម៉ៅមកផ្សំជាមួយនឹងបន្លែដូចជា ស្ពៃ , ស្ពៃក្តោប ជាដើម។
អ្នកជំនាញបានធ្វើសេចក្តីសន្និដ្ឋានថា ការបរិភោគស៊ុតមាន់ដែលត្រូវបានផលិតឡើងតាមបែបធម្មជាតិ គឺកាន់តែប្រសើរ ព្រោះវាសម្បូរទៅដោយវីតាមីនជាច្រើនរួមទាំង D, និង E៕
No comments:
Post a Comment