និស្សិតច្បាប់មួយរូប មកពីហុងកុង អាយុ១៩ឆ្នាំ ជាជនរងគ្រោះម្នាក់ក្នុងចំណោម ២០នាក់ ដែលបានស្លាប់ក្នុងហេតុការណ៍ ផ្ទុះគ្រាប់បែក នៅក្នុងទីក្រុងបាងកក។ Vivian Chan-Wing-Yan ជានិស្សិត ផ្នែកច្បាប់មួយរូប សិក្សានៅសកលវិទ្យាល័យ SOAS ទីក្រុង ឡុងដុង ចក្រភព អង់គ្លេស បានធ្វើដំណើរកំសាន្ត ជាមួយមិត្តភក្រ័ របស់នាង មកប្រទេសថៃ តែអកុសល ត្រូវបាន ស្លាប់ដោយសារ គ្រោះអាក្រក់មួយនេះ។
តាមប្រភពព័ត៌មាន បានអោយដឹងថា Vivian បានស្លាប់នៅក្នុងមន្ទីពេទ្យ ដោយរបួសត្រង់ពោះ បេះដូង និង សួតធ្ងន់ធ្ងរ មិនអាចសង្គ្រោះបាន។ តាមសំដីរបស់អ្នកនាំពាក្យ នៃសកលវិទ្យាល័យ SOAS បានអោយដឹងថា សកលវិទ្យា និង និស្សិតទាំងអស់ មានការសោកស្តាយណាស់ ចំពោះការបាត់បង់ និស្សិតមួយរូបនេះ។ ទន្ទឹមនឹងនេះដែរ តារាចម្រៀងហុងកុង Joey Yung ក៍បានបង្ហោះ រូបថត មួយសន្លឹក របស់នាង ដែលបានថតជាមួយ Vivian បញ្ជាក់អោយឃើញថា គាត់ស្តាយណាស់ ដែលបាត់បង់ អ្នកគាំទ្រ មួយរូបនេះ។ គួរបញ្ជាក់ផងដែរថា ហេតុការណ៍ បំផ្ទុះគ្រាប់បែក នៅកណ្តាលក្រុង បាងកក បានសំលាប់មនុស្ស យ៉ាងហោចណាស់ ២០នាក់ និង ជាង១០០នាក់ទៀត រងរបួស៕
ផ្ដល់សិទ្ធិដោយ ខ្មែរណូត
No comments:
Post a Comment