ចិន៖ សម្រាប់ឈ្មួញមួយចំនួន ដែលធ្វើជំនួញ នៅប្រទេសចិន បានរិះរក មធ្យោបាយរកស៊ី ដែលអសីលធម៍ ដើម្បីតែផលប្រយោជន៏ខ្លួនឯង ដោយមិនគិតពីផលប៉ះពាល់សុខភាព និងសុវត្ថិភាពអ្នកដ៏ទៃឡើយ ធ្វើយ៉ាងណាអោយតែខ្លួនឯងរកស៊ីមានបាន។ គ្រឿងសមុទ្រដូចជាបង្គារ មឹកនៅប្រទេសចិន មួយចំនួនសុទ្ធតែប្រើប្រាស់សារធាតុគីមី ដើម្បីអោយលក់ដាច់ ហើយរឿងរ៉ាវនោះបានលេចធ្លាយ ពេញអិនធើណេត។ ក្រោយពីបាត់មួយរយៈ ឥលូវនេះការរកស៊ីបែបនេះ បានលេចឡើងម្តងទៀត ជាមួយនឹងពត៌មានបង្គារចាក់ថ្នាំ។
ដើម្បីអោយបង្គារទាំងនោះមានទម្ងន់ធ្ងន់ និងធំល្អ ឈ្មួញទាំងនោះបានចាក់សារធាតុ Gelatin ចូលទៅក្នុងបង្គារ ហើយយកទៅលក់នៅតាមផ្សារនានា នៅប្រទេសចិន។ ថ្មីៗនេះគេបានប្រទះឃើញបង្គារចាក់ថ្នាំជាច្រើននៅក្នុងទីក្រុងចំនួន២ នៅប្រទេសចិនគឺ ក្រុង Kun Ming ដែលស្ថិតនៅភាគពាយព្យនៃខេត្ត Yunnan និង ក្រុង Wenzhou នៅភាគខាងកើតប្រទេសចិន។
នៅពេលដែលឈ្មួញទាំងនោះចាក់សារធាតុ Gelatin ចូលក្នុងបង្គារ ពួកគេអាចចំនេញបាន ៣០% បន្ថែមទៀត បើគិតជាលុយគឺ ៤៣យ័ន (ប្រហែល ៧.១ដុល្លារ)។ មិនត្រឹមតែប៉ុណ្ណោះ សូម្បីតែសេះសមុទ្រ និងផ្លែត្រសក់សមុទ្រ ក៏ត្រូវបានគេចាក់សារធាតុ នេះចូលផងដែរ។ រដ្ឋាភិបាលចិនបានហាមឃាត់ និងផន្ទាទោសដល់ក្រុមឈ្មួញរកស៊ីខុសច្បាប់ទាំងនោះយ៉ាងធ្ងន់ធ្ងរ ដែលបានប្រព្រិត្តអំពើខុសច្បាប់នេះ។
អត្ថបទ៖ អាន
ខ្មែរណូត
ប្រភព៖ people
ខ្មែរណូត
ប្រភព៖ people
No comments:
Post a Comment